76 vite nga fillimi i kryengritjes antifashiste dhe luftës çlirimtare, sot në Maqedoni do të shënohen me disa aktivitete të organizuara nga Qeveria, Kuvendi, Lidhja e luftëtarëve dhe Komunat e Prilepit dhe Kumanovës.
Festimi qendror do të mbahet paradite para përmendores së çlirimtarëve të Shkupit, në oborrin e qeverisë. Përfaqësues të qeverisë, Kuvendit dhe institucioneve tjera shtetërore do të vendosin lule në përmendore.
Tradicionalisht me rastin e kësaj feste në Kuvendin e Maqedonisë pasdite do të ndahet çmimi shtetëror “11 Tetori”.