Qeveria e re sot ka publikuar tri raste të blerjeve, tenderëve dhe marrëveshjeve të nënshkruara nga ana e pushtetit të kaluar, për të cilat dyshojnë se është shkaktuar dëm në buxhetin e Maqedonisë.
Zëdhënësi i qeverisë, Mile Boshnjakovski, në konferencë për shtyp theksoi se është kërkuar hetim nga Ministria e Punëve të Brendshme, si dhe fillim të procedurës nga Prokuroria Shtetërore.
Rasti i parë ka të bëjë me blerjen e biletave udhëtimi nga ana e Shërbimit për punë të përgjithshme dhe përbashkëta, në periudhën prej vitit 2014 deri 2017.
Rasti i dytë ka të bëjë me blerje të dyshimta të në Shoqatën aksionare për banim dhe hapësirë afariste nga ana e firmës “Atrium” nga Vevçani.
Ndërsa rasti i tretë ka të bëjë me marrëveshjet për angazhimin e Aleksandar Nikovski, George P. Jerry Joshua Gleitman për bashkëpunëtor të jashtëm të ish-kryeministrit Nikolla Gruevski. Nënshkrues i këtyre marrëveshjeve është shefi i atëhershëm i zyrës së Gruevskit, Martin protugjer.
Boshnjakovski si shembull përmendi se këshilltari i Gruevskit, Aleksandar Nikovski në baza të ndryshme ka fituar para nga buxheti në shumë prej 217.490 euro. Në këtë rast qeveria ka dorëzuar kërkesë për mendim nga Prokurori i Përgjithshëm Shtetëror.
