Një natë më parë në rrjetet sociale është publikuar një dokument u duket qartë padia penale e ngritur kundër kandidatit për kryetar të Shkupit nga radhët e LSDM-së, Petre Shilegov, për sulmin ndaj një vajze shqiptare 24 vjeçe nga Gostivari.
Në dokument thuhet se padia kundër Petre Shilegov është ngritur sepse më datën 3 prill të vitit 2003 në Shkup, ai duke qenë në gjendje të alkoolizuar, e kishte ftuar në makinën e tij vajzën Ermina D., nga Gostivari.
Vajza nuk kishte pranuar që të futej në makinën e tij, e pas kësaj ai kishte tentuar që ta fusë me forcë duke i thënë se atë natë ajo duhej të kryente seks me të, e më pas kishte nisur ta prekte në pjesët intime.
Kjo situatë kishte ndaluar kur në vendin e ngjarjes erdhën personat me iniciale E. R., dhe T. R., të dy nga Shkupi. Shilegov, i nervozuar nga personat që e ndalën ta përfundojë punën e nisur, pra ta përdhunojë vajzën, kishet nisur të përleshet fizikisht me ta.
Shumë media në Maqedoni kanë shkruar shumë herë se Petre Shilegov është i varur nga alkooli.
