Gjatë ditës së sotme deri në ora 14, në MPB janë denoncuar 26 incidente që kanë të bëjnë me procesin zgjedhor, ka njoftuar Ministria e Punëve të Brendshme.
Në mesin e parregullsive të shënuara janë blerja e votave, transportim i votuesve në vendvotime, fotografim i fletës së votimit si dhe votim për person tjetër. Janë evidentuar edhe 10 raste të ndërprerjes së votimeve në vendvotime të ndryshme, ku pas konsultimeve të caktuara dhe ndërprerjeve të shkurtra prej 15 deri 20 minuta, procesi ka vazhduar, njofton MPB.
