Në prag të rrethit të dytë të zgjedhjeve lokale po kalkulohen të gjitha mundësitë që matematika fituese ti del çdo subjekti politik i përfshirë në garën zgjedhore.
Pas zyrtarizimit të koalicionit midis Aleancës për Shqiptarët (ASH) dhe Lëvizjes BESA në fokusin e partive politike janë edhe votuesit e nacionaliteteve tjera. Në fokusin e opinionit shqiptarë janë komunat më të mëdha shqiptare Tetova, Gostivari, Struga dhe Çairit në të cilat krahës votave të votuesit shqiptar vendimtare do të jenë edhe votat e votuesve të përkatësive tjera etnike, por jo vetëm edhe të makinerive partiake të partive të cilat nuk janë në garë në rrethin e dytë të zgjedhjeve lokale.
"Mandatin e jep populli, partitë politike krijojn bashkëpunimet reciproke dhe ajo është krejtësisht në frymën demokratike. Sigurishtë që partitë politike në bashkëpunim, do hartojnë strategjinë e tyre të përkrahjes aty ku ata do kenë nevojë për simpatizantën apo anëtarët e njëra tjetrës dhe besoj se kjo formë do jetë direkte duke thirur që përkrahje të jetë në vota dhe jo vetëm morale. Po mbi gjitha, populli është ai që me 29 tetor do dënoj njërën palë dhe do shpall fitues palën tjetër", vlerëson për Zhuran, Hasim Murtezani, analist politik.
Edhe profesori universitar, Lulzim Aliu vota e çdo qytetari është e rëndësishe (e shqiptarit, maqedonasit, turkut, romit, vllehut etj.), por blerja dhe shantazhimi i çdokujt është i dëmshëm për demokracinë e çdo shoqërie.
"Vota e çdo qytetari është e rëndësishe (e shqiptarit, maqedonasit, turkut, romit, vllehut etj.), por blerja dhe shantazhimi i çdokujt është i dëmshëm për demokracinë e çdo shoqërie. Deri më tani është dëshmuar se BDI-ja di të bëjë marrëveshje të tilla e jo transparente me cilin do qoftë etnitet", thotë për Zhurnal, Lulzim Aliu , analist politik.
