Lideri i partisë ”Dinjiteti”, Stojançe Angellov e ka mbështetur kryeministrin Zoran Zaev dhe qeverisjen e tij, duke thënë se nuk mund të bëeht fjalë për ndonjë qeveri junte apo regjimi.
I ftuar në Kanal 5, Angellov ka thënë se edhe fëmijët e Zaevit e kanë parë në televizor se si rrihet babai i tyre. Sipas tij, LSDM-ja ka një shumicë të ngushtë, prandaj nuk mund të shndërrohet në regjim, pra është e dobët.
Në lidhje me arrestimet e deputetëve, Angellov konsideron se ata nuk u arrestuan në formë spektakolare dhe filmike, ashtu siç kishte ndodhur në kohën e OBRM-PDUKM-së.
