KSHZ-ja dje ka publikuar vendimin për pagesën e kompensimit pas zgjedhjeve lokale dhe Rregulloren për përcaktimin e kompensimit. Ambasadori i SHBA-së Xhes Bejli publikoi informacionet për bonuset në KSHZ, ndërsa anëtarët e Komisionit pas reagimit të opinionit paralajmëruan se do t’i kthejnë paratë.
Katër paga shtesë kanë marrë kryetari i KSHZ-së Aleksandar Çiçakovski, zv/kryetari Rexhep Prekopuca si dhe anëtarët e Komisionit Atana Urumov, Violeta Duma, Igor Milev, Subhi Jakupi, Sasho Srcev dhe Silvana Boneva.
Anëtarët e KSHZ-së Bedredin Ibraimi dhe Salije Asani kanë marrë dy paga neto në muajin e fundit.
Të punësuarit në KSHZ edhe vjet kanë marrë bonuse të njëjta. Tre rroga kanë marrë për zgjedhjet e pa mbajtura në prill 2016, pesë bonuse për zgjedhjet e parakohshme parlamentare dhe katër paga bonus për zgjedhjet lokale.
