Ministri i Punëve të Jashtme, Nikolla Dimitrov sot në Bruksel do të marrë pjesë në një drekë pune me ministrat e Punëve të Jashtme të vendeve anëtare të BashkimitEvropian dhe vendeve kandidate për anëtarësim në BE, në organizim të ministrit të Punëve të Jashtme të Estonisë, Sven Mikser, në cilësinë e vendit udhëheqës me Këshillin e BE-së, transmeton Express.
Diskutimet në drekën e punës, siç informon MPJ-ja, do të përqendrohen në perspektivat e vendeve nga Ballkani Perëndimor në rrugën drejtë integrimit në BE, në prag të zhvillimit të pritur të ngjarjeve në suaza të Unionit gjatë gjysmëvjetorit të parë të vitit 2018, publikim i Strategjisë të kryetarit të KEsë Junker për zgjerim të BE-së, raportet e KE-së për progresin e vendeve dhe Samit BE – Ballkani Perëndimor në Sofje gjatë presidencës bullgare me Këshillin e BE-së në maj të vitit 2018.
Gjatë qëndrimit në Bruksel, Dimitrov do të mbajë brifing për përfaqësuesit e Grupit punues të Këshillit të BE-së kompetent për rajonin e Ballkanit Perëndimor dhe Grupin punues kompetent për zgjerimin e vendeve të cilat janë proces negociues për anëtarësimin në BE.
