Baily: Ndihmova fillimin e debatit publik në temën e korrupsionit

Maqedonia

Baily: Ndihmova fillimin e debatit publik në temën e korrupsionit

Më: 13 dhjetor 2017 Në ora: 17:13
Jess Baily

Nuk e fillova unë lajmin për ndarjen e bonuseve të larta në Komisionin shtetëror zgjedhor. Të gjithë të punësuarit atje e dinin këtë gjë, dhe jo vetëm në Komision. Unë e shpreha komentin tim që të fillojë debat i shëndoshë publik për atë çështje, tha sot ambasadori amerikan Jess Baily në Shtip, ku para studentëve foli në temën korrupsion.

Në pyetjen se a duhet edhe Komisionin kundër korrupsion duhet të punojë në këtë rast, ambasadori Baily tha se mediat duhet t’i pyesin ato.

Baily në fjalimin e tij tha se korrupsioni shumë i përhapur dhe mbisundimi i dobët i ligjit janë dy dukuri që përshtaten bashkë dhe në shumicën e rasteve viktima të tyre janë të rinjtë.

“Të rinjtë bëhen të demotivuar, nuk kanë besim në sistem. Ajo i detyron në vendimin e rëndë për t’u larguar nga vendi në kërkim të një jete më të mirë”, tha Baily.

Ai theksoi se të gjithë duhet të luftojnë kundër korrupsionit. Qytetarët mund të denoncojnë korrupsion te institucionet shtetërore, te mediat dhe Avokati i Popullit.

“Institucionet nuk punojnë ashtu siç duhet, prandaj njerëzit kërkojnë mënyra për t’i detyruar të punojnë më mirë. Më së shpeshti gjejnë miq ose paguajnë nëpunësit shtetërorë për të kryer punën e nevojshme. Kjo mund të duket si gjë e thjeshtë, por ka ndikim të fuqishëm në zhvillimin e shtetit”, përfundoi Baily.

Sot mund të lexoni Shfletoni kopertinat