Në këndvështrimin e politikës shqiptare, Maqedonia është më pranë se kurrë zgjidhjes së dy prej ngërçëve më të mëdha: çështjes së emrit dhe aplikimit të dygjuhësisë.
Ish-ministri i Jashtëm i Shqipërisë Tritan Shehu, thotë në një intervistë për Tvm2 se bisedimet e para pak ditëve mes Maqedonisë dhe Greqisë janë mjaft pozitive, ndërsa parashikon zgjidhje të këtij ngërçi. Por, ai e ka një këshillë për autoritetet e Maqedonisë.
Po aq perceptim pozitiv, Shehu ka edhe për cështjen e dygjuhësisë. Ai shpreh besimin që e vetmja rrugë për Maqedoninë është BE, ndaj si dygjuhësia ashtu edhe Marrëveshja e Ohrit, do të jenë tërësisht të zbatueshme.
Ish-ministri i jashtëm Tritan Shehu flet edhe për disa interferenca të rrezikshme në rajon, te cilat duhen shmangur, dhe për këtë gjë, e vetmja siguri është NATO.
Pyetjes nëse Tirana zyrtare po luan një rol ndihmës per hapesiren mbarëshqiptare e veçanërisht në Maqedoni, ish-ministri i jashtëm i përgjigjet me skepticizëm.
Për Tritan Shehun, kjo është periudhë e artë për shqiptarët e Maqedonisë, ndaj nuk duhet ta humbasin rastin për të këmbëngulur në të drejtat e tyre.
