Ekspertët rekomandojnë që policia të rrisë masat e sigurisë gjatë festave. Sipas tyre, kontrollet rutinë, alkool testet dhe ngritja e vetëdijes përmes apeleve do të krijojnë kushte për atmosferë festive. Ish eprori i policisë Ljubomir Gjurçeski vlerëson se policia duhet të merr masa parandaluese.
I bëj thirrje policisë që të jetë rigoroze ndaj të gjithë kundërvajtësve që do të përdorimin mjete piroteknike dhe armë zjarri. Kjo është pjesa e rendit dhe qetësisë publike, ndërsa sa i përket komunikacionit i lutem qytetarëve që gjatë kohës së festave të fundvitit të distancohen nga veprimet si vozitja nën ndikimin e alkoolit dhe materiet tjera, t’i respektojnë rregullat e komunikacionit dhe të përshtatin shpejtësinë gjatë vozitjes – tha Ljubomir Gjurçeski, Ish epror i policisë.
Duke komentuar shitjen e mjeteve piroteknike, Gjurçeski vlerëson se policia ka dështuar në parandalimin e tyre për të arritur deri në treg.
Diçka diku fshihet. Pse e them? Sepse në Maqedoni nuk prodhohen mjete piroteknike, pra nënkupton që ato mjete në Maqedoni importohen në mënyrë jo legale. Sipas meje, me këtë importuesit i shmangen vendkalimeve kufitare, pasi policia dhe dogana duhet të parandalojnë importimin e mjeteve piroteknike – deklaroi Ljubomir Gjurçeski, Ish epror i policisë.
Në mëngjes, policia morri aksion për konfiskimin e mjeteve piroteknike. Nëpër rrugët e qytetit, shitësit vëreheshin gjithandej, ndërsa ofertat vinin edhe nëpër udhëkryqe. Në kuadër të masave festive, gjatë natës së ndërrimit të moteve, përveç policisë do të punojnë edhe qendrat emergjente dhe zjarrfikësit.