Komisioni parlamentar për shëndetësi do të mbajë seancën e radhës ku do të diskutohet për Propozim-ligjin për ndryshime të Ligjit për mbrojtje nga duhani, në procedurë të shkurtuar-leximi i dytë.
Ligji është propozuar nga LSDM-ja dhe BDI-ja. Qëllimi i këtij propozimi është heqja e një pjese të një paragrafi të ligjit që përcakton hapësirën për duhanpirje jashtë objektit hotelierik.
Hotelierët dhe mjekët kishin mendime të ndryshme në diskutimin e mbajtur në dhjetorin e kaluar. Mjekët thonë se me ligjin e tanishëm është arritur rezultat poziriv për uljen e duhanpirjes te të rinjtë dhe se ligji i ri do të ndikoj negativisht.
Kurse hotelierët thonë se ligji ka të bëjë vetëm me periudhën katërmujore kur ndikojnë kushtet natyrore dhe kur ligji i tanishëm, sipas tyre, zbatohet në mënyrë selektive nga inspektorët.
