Ministri i Punëve të Brendshme, Oliver Spasovski po qëndron në Lyon të Francës, ku është takuar me sekretarin e përgjithshëm të Interpol-it, Jürgen Stock.
Sipas tij, vizita dhe takimi në Lion janë mjaft të rëndësishme, dhe se lufta efikase kundër terrorizmit, kriminalitetit, ekstremizmit të dhunshëm varet nga këmbimi i të dhënave dhe informatave.
Spasovski dhe Stock ranë në ujdi që të nënshkruhet një Marrëveshje ndërmjet Qeverisë së Maqedonisë dhe Interpol-it për njohje të dokumenteve të udhëtimit të Interpol-it. Me marrëveshjen, Maqedonia njeh dokumentacionin e Interpol-it dhe liron nga viza bartësit e tyre.
