Në Gjykatën Penale sot duhet të mbahet gjykimi për lëndët “Fortesa-Shënjestra”, të cilat kanë të bëjnë me përgjimet e paligjshme që u publikuan nga LSDM.
Në këtë lëndë të akuzuar janë ish-shefi i policisë sekrete, Sasho Mijallkov dhe ish-ministrja e Punëve të Brendshme, Gordana Jankulloska, përcjell Telegrafi Maqedoni.
Seanca e kaluar u shty me kërkesë të avokatit të Mijallkovit, Mile Petrovski, i cili tha se ka seancë tjetër gjyqësore, atë për biznesmenin Sead Koçan në lëndën “Trust”, e cila fillonte gjysmë ore para seancës kundër Mijallkovit dhe Jankulloskës.
Në këtë rast mes të akuzuarve është edhe Toni Jakimovski – ish-shef i kabinetit të Mijallkovit.
