Lëvizja ndërkombëtare maqedonase për të drejtat e njeriut (MMDCP) që vepron në diasporë ka paralajmëruar se do të ngrejë padi kundër kryeministrit Zoran Zaev nëse do të ndryshojë emrin e Maqedonisë si dhe rrezikon identitetin maqedonas.
Kjo organizatë kërkon që gjyqësia në vend të marrë masa për të ndërprerë bisedimet që sipas tyre janë antikushtetuese dhe antiligjore.
Kjo organizatë e “patriotëve” maqedonas të diasporës kërcënon se me padi mund të përballen edhe të gjithë politikanët e tjerë që janë të përfshirë në procesin për ndryshimin e emrit të Maqedonisë.