Tv Telma raporton se të parburgosurve, Bogdan Ilievski, Boris Damkovski, organizatorë të protestave “Për Maqedoni të Përbashkët”, si edhe deputetit Ljuben Arnaudov, u është pranuar ankesa.
Gjykata e Apelit ka vendosur që t’ua ndryshojë masën e paraburgimit në burg shtëpiak, si edhe t’ua merr pasaportat.
Përveç tyre, Apeli i ka lënë në burg shtëpiak dhe ua ka marrë pasaportat Jane Çentos, Ivan Cvetkovskit dhe Oliver Radullovit.
Apeli vendosi vazhdim të paraburgimit për Mitko Çavkovin, Goran Angellovskin, Ilija Sllavevskin, burg shtëpiak për Johan Tarçullovskin. Ankesat janë refuzuar edhe për Sasho Markovskin dhe Vilijam Mihallovskin.
