Protesta kundër miratimit të ligjit për gjuhën shqipe u mbajtën mbrëmë nga grupe të vogla edhe në Shtip dhe Prilep. Protestuesit apeluan që të mos lejohet zyrtarizimi i gjuhës shqipe, ndërsa kërkuan që presidenti Gjorgje Ivanov të mos e nënshkruaj ligjin. Ata po ashtu bënë thirrje edhe kundër ndryshimit të emrit. Protesta të ngjajshme u mbajtën edhe në Prilep, ku dhjetëra qytetarë shprehën revoltë kundër gjuhës shqipe dhe apeluan që të mos pranohet kurrë ligji që e zyrtarizon ate. Protestuesit kanë theksuar se disa nga qytetarët që ditëve të fundit kanë protestuar para shtëpive të deputetëve të LSDM janë thirrur në biseda informative.