Pas festës së Pashkëve, deputetët do të duhet të realizojnë hapat përfundimtare përpara shpalljes së Raportit të Progresit nga KE më 17 prill.
Nga nesër intensifikohet agjenda si në planin e brendshëm po ashtu edhe në planin e jashtëm, me qëllim që të marrim raport pozitiv i cili do të përfshinte rekomandimin për të filluar negociatat për anëtarësim në BE.
Në Kuvendin e Republikës së Maqedonisë, për nesër janë planifikuar katër seanca parlamentare me pikat e mbetura në rend dite dhe disa seanca komisioni, ku në rend dite janë ligjet reformuese.
Në seancën e 34-të është ligji për gjykatat, në seancën e 35-të janë ndryshimet në Ligjin për Prokurorinë Publike dhe Ligjin mbi Procedurën Penale.
Pritet që ditën e enjte ose ndoshta të premten të caktohet një seancë tjetër parlamentare në të cilën do të diskutohet për pakon e ligjeve për përgjimin e komunikimeve.