Në tregjet në Maqedoni janë rritur çmimet e një pjese të cigareve. Sipas informacionit nëse dëshironi të blini një kuti Marlboro, nga sot ju duhet të paguani 10 denarë më shumë.
Pothuajse çdo vit, periudha mars-prill është e njohur për rritjet e para të çmimeve të cigareve, si një parapërgatitje për rritjen e akcizës që ndodh çdo vit më 1 korrik.
Ligji për akcizat për cigaret dhe produktet e duhanit parashikon rritje të çmimit të cigareve çdo vit për të paktën 4 denarë deri në vitin 2023. Kjo do të thotë që me një ritëm të tillë, markat e caktuara të cigareve mund të shiten deri në 200 denarë.