Këtë të shtunë (21 prill) në arenën “Filipi i Dytë” në Shkup do të mbahet mitingu amator i Atletikës “Shkupi 2018”.
Siç thuhet nga organizatorët ky miting i atletikës është për të gjithë ato që duan të vrapojnë, që në mënyrë rekreative merren me vrapim dhe sport, për ato që bëjnë përgatitje për Maratonën e Shkupit, apo duan t’i provojnë mundësitë dhe shpejtësitë e tyre në ndonjë disciplinë.
Në mitingun amator pjesëmarrësit do të mund të garojnë në disciplinat e 100 metra, 400, shtafeta 4 prej 400 (1.600 metra), 5.000, 10.000 metra dhe kërcim në largësi. Të gjithë të interesuarit për pjesëmarje në miting do të mundë të lajmërohen nëpërmjet ueb-faqes së “prv do vrv”.
Mitingu i Atletikës do të zgjasë nga 10 deri 16 dhe është i hapur për të gjithë të interesuarit çka dëshirojnë të marrin pjesë. Ky aktivitet organizohet nga Shoqata për Sport dhe Kreativitet “Prv do vrv” në bashkëpunim me Federatën e Atletikës në Maqedoni.
