Me marrje në pyetje të të pandehurit të parë Gjoko Popovski, ish-ndihmës ministër i Punëve të Brendshme, sot në Gjykatën Penale vazhdoi gjykimi për lëndën “Treqind”, në të cilin gjykohet për keqpërdorim të detyrës zyrtare lidhur me furnizimin publik të 300 automjeteve për Ministrinë e Punëve të Brendshme.
I akuzuari i parë Popovski fillimisht u përgjigj në pyetjet e mbrojtjes, e pastaj me marrje në pyetje të kryqëzuar e morën edhe prokurorët e PSP-së.
Në fund të seancës së sotme, PSP në lëndë ofroi edhe dëshmi shtesë – raport për pronësi të numrave telefonikë nga Telekomi.
Seanca e re është caktuar për më 16 maj, kur duhet të jepen fjalime përfundimtare në lëndë.
Popovski, sipas aktit të prokurorisë, dyshohet se e ka dëmtuar buxhetin e shtetit për 453.570 euro.
