Aleanca Shqiptare ka pranuar me pikëllim ndarjen nga jeta të futbollistit shqiptar dhe kryetarit të Federatës së Futbollit të Kosovës Fadil Vokrrit .
Përmes një telegrami ka ngushëlluar familjen dhe qytetarët e Kosovës.
Telegrami i ngushëllimit:
Me pikëllim të madh e pranuam lajmin e ndarjes nga jeta të futbollistit shqiptar me famë europiane e botërore Fadil Vokrri i cili dha aq shumë futbollit kosovar dhe ishte një ndër arsyet kryesore që futbollit kosovar ju hapën rrugët edhe në arenën ndërkombëtare .
E nderuara familje e ikonës së futbollit shqiptar Fadil Vokrri, miqësi e bashkëlojtar, Federatë e Futbollit të Kosovës, të nderuar qytetarë të Kosovës e shqiptarë gjithandej pranoni ngushllimet më të përzemërta nga Aleanca për Shqiptarët.
Zoti e pranoftë në mëshirën e Tij, emri dhe vepra e tij pa dyshim se do të vazhdojn të jetojë deri në pafundësi.
