Ministria e Arsimit do te mbështesë financiarisht në blerjen e instrumenteve muzikore nga 25 të rinj, nxënës të shkollave te mesme te muzikës dhe studentë të cilët ndjekin studimet në programet e këtij profili.
Këtë për TVM2 e ka bërë te ditur ministri i Arsimit dhe Shkencës, Arbër Ademi i cili ka thënë se kjo çështje tani është e mbuluar edhe përmes rregullativës ligjore.
“MASH do të mbuloje 75% nga vlera e instrumentit të blerë, por i njëjti të mos jetë me i shtrenjte se 100 mijë denarë”, tha Ademi.
Ai gjithashtu tha se do të merret parasysh edhe suksesi i nxënësit apo studentit të cilët e kanë treguar dhe e tregojnë gjatë procesit edukativo arsimorë.
“Po ashtu si kriter do të jetë edhe statuti material i familjes së tyre, si dhe kriter tjetër do të jetë suksesi i nxënësit apo studentit që kanë treguar në gara shtetërore, në gara ndërkombëtare por edhe në performimet e tyre publike”, tha Arbër Ademi.
