Ivanov nuk ftohet të merr pjesë në ceremoninë festive për dhënien e ftesës për anëtarësim në NATO

Maqedonia

Ivanov nuk ftohet të merr pjesë në ceremoninë festive për dhënien e ftesës për anëtarësim në NATO

Më: 10 korrik 2018 Në ora: 10:15
Ivanov

Kryetari i Maqedonisë, Gjorge Ivanov me shumë gjasa nuk është i ftuar që të merr pjesë në dhënien e ftesës në NATO çka duhet të mbahet këtë javë në Bruksel, publikon portali “Nezavisen”.

Shefi i shtetit, sipas njoftimeve, do ta humb edhe ceremoninë ku sekretari i përgjithshëm i Aleancës, Jens Stoltenberg, do t’ia dorëzoj edhe formalisht Kryeministrit Zoran Zaev ftesën për anëtarësim të Maqedonisë në Këshillin Euroatlantik.

Në agjendën e delegacionit të Maqedonisë e cila do të udhëtojë për në Bruksel nuk figuron emri i Kryetarit të shtetit.

Nga Qeveria, “Nezaviesn” ka marrë përgjigje se Ivanov nuk është në atë delegacion dhe se ftesat për pjesëmarrje në Samit i dërgojnë nga NATO.

Nga zyra e Ivanov, nuk kanë dhënë informacione se Kryetari i shtetit ka marr ftesë eventuale nga NATO. 

commentFirst article
Sot mund të lexoni Shfletoni kopertinat