Pas emërimit të ambsadorit të ri në Zvicër, nga kryeministri Zoran Zaev vazhdon ende dilema se cilës parti i takon Qenan Ramadani. Nga asnjëra parti nuk japin hollësi për ambasadorin e ri, por të dy palët heshtin. Zaev tha se ambasadori i ri është i jashtëzaknoshëm dhe fuqiplotë, por nuk përmend nëse është kuadër i LSDM-së apo i BDI-së, shkruan TS.
“Sot, u takova me Ambasadorin e jashtëzakonshëm dhe fuqiplotë të Republikës së Maqedonisë në Zvicër, Qenan Ramadanin.
Zvicra është një mik tradicional, një mbështetës i madh dhe donatori më i madh për Republikën e Maqedonisë.
I uroj atij një mandat të suksesshëm Ramadanit, me fokus në forcimin e bashkëpunimit me Zvicrën, kryesisht në frontin ekonomik” ka shkruar dje kryeministri Zaev.
Sot, zv/kryeminisri, Bujar Osmani është takuar me Qenan Ramadanin, por pa treguar se është pjesë e BDI-së apo është emëruar nga Zaev si kuadër i LSDM–së.
“Takim me Kenan Ramadanin, me rastin e emërimit të tij për Ambasador të Republikës së Maqedonisë në Zvicër. Eksperienca e tij disavjeçare do të kontribuojë në thellimin e marrëdhënieve mes Maqedonisë dhe Zvicrës – vend i cili është një ndër donatorët më të rëndësishëm dhe që ka rol historik në zhvillimin dhe përparimin e Maqedonisë” ka shkruar Osmani pas takimit me Ramadanin.
Ndryshe Qenan Ramadani ka punuar në Ministrinë e Punëve të Jashtme të Maqedonisë.