Kancelari austriak Sebastian Kurtz, më 7 shtator pritet ta vizitojë Maqedoninë, tre javë para mbajtjes së referendumit për çështjen e emrit.
Kurtz në Maqedoni vjen me ftesë të kryeministrit Zoran Zaev, i cili para referendumit ka ftuar edhe disa liderë tjerë evropian.
Gjatë vizitës së fundit të Zaevit në Vjenë në fund të qershorit, Kurtz bëri aper tek qytetarët e Maqedonisë që në referendum të votojnë për emrin e ri “Maqedonia Veriore”.
“Marrëveshja rreth çështjes së emrit me Greqinë është përparim vendosës në procesin për anëtarësimin e Maqedonisë në BE”, tha Kurtz.
Ai për mediat austriake ka thënë se me kryeministrin Zaev dëshiron të flet edhe për përparimin në procesin e skriningut.
