E mbani mend imitimin e këngëtares Anna Vissi nga Anxhela Peristeri në “Your Face Sounds Familiar Albania”?
Ky imitim i këngëtares shqiptare ka bërë bujë të madhe në shtetin fqinj, Greqi, ku madje është zhvilluar edhe një emision lidhur me këtë.
Kjo është treguar mbrëmjen e sotme në “Zonë e lirë”, ku janë shfaqur disa pamje nga ky emision, në të cilin prezantuesi nuk e ka besuar se Anxhela e ka imituar edhe me zë Anna-n, jo vetëm me figurë.
Madje, moderatorja është habitur me zërin e Anxhelës, që i është dukur shumë i ngjashëm me Anna Vissi-n.
Përveç kësaj, për imitimin e Peristerit ka shkruar edhe Mad Tv në shtetin fqinj, i cili “duartroket” performancën e këngëtares.
