Albert Stanaj, i njohur thjesht si Stanaj, ka filluar t’i ngjisë shkallët e suksesit një nga një.
Së fundmi, 22 vjeçari është bërë pjesë e platformës Tidal, në pronësi të reperit të njohur Jay Z, e cila ka filluar transmetimin e albumit dhe këngëve të Stanaj-t.
Përveç kësaj, Tidal i ka ofruar këngëtarit edhe një hapësirë tjetër, Tidal Raising, pjesë kjo ku promovohen artistët e rinj e potencialë. Stanaj ka dhënë një intervistë duke treguar akoma dhe më shumë për veten dhe lidhjen e tij me muzikën.
“Në moshën 22 vjeçare, talenti i ardhshëm tërhoqi vëmendjen e vipave nga Kim Kardashian dhe Chris Brown, performoi në Coachella, luajti në piano bashkë me Drake në YOLO Estate dhe nënshkroi një marrëveshje me një label – e gjitha pa një ‘single’”, – shkruan Tidal për Albert.
Kjo nuk është hera e parë që Jay Z përkrah një shqiptar, pasi Rita Ora ka qenë një nga produktet e suksesshme të Roc Nation, kompanisë së reperit. Tashmë Rita është “divorcuar” nga kjo kompani, por ama Jay duket se dëshiron të ketë gjithmonë një shqiptar pranë.
