Këngëtarja Dhurata Ahmetaj shumë shpejt do të publikojë projektin e saj më të ri muzikor, i cili do të jetë pasuses i shumë projekteve të suksesshme që ajo publikoi gjatë 2016-ës.
Gjersa është në pritje të finalizimit, ajo po e shfrytëzon mjaft mirë kohën e lirë edhe për tu marrë me argëtim.
Argëtimi i saj i fundit duket të ketë qenë leximi i një libri, nga i cili Dhurata është ndarë shumë e kënaqur pas përfundimit.
Ajo ka publikuar në llogarinë personale në Instagram një fotografi, përmes së cilës ka treguar se ka përfunduar së lexuari librin “Sekreti” të autorit të famshëm Rhona Byrne.
“Sapo përfundova librin më të mirë ndonjëherë”, shkruan këngëtarja Ahmetaj përbri fotos në InstaStory.
