I ftuar sot te Ermal Mamaqi ka qenë Sinan Hoxha dhe si për suprizë të tij erdhi dhe e shoqja Andrra Destani. Sapo Andrra hyri në skenë, Ermali tha se ajo po dilte për herë të parë në një studio televizive.
Në fakt kështu rezultoi, fakti që ajo ishte për herë të parë në një studio televizive e bëri të kishte shumë emocione madje ajo sapo hyri i mbante duart pas shpine.
Ky detaj nuk kaloi pa u vënë re nga i shoqi dhe i kërkoi që t'i nxirrte duart para, ku dukej qartë se asaj po i dridheshin nga emocionet. Menjëherë pas kësaj Ermali dhe Sinani kanë filluar të bëjnë shaka me të duke i thënë Andrrës të qetësohet se po ia del mjaft mirë.
