Pas një surprise nga mbrëmja e djeshme në BRIT Awards në Londër, The Chainsmokers publikuan singëllin e tyre më të fundit, “Something Just Like This”.
Kënga e re e grupit është në bashkëpunim me bandën britanike Coldplay. Nuk e kishim mennduar kurrë se dy emra të tillë mund të bënin një këngë së bashku. Do ishte interesante të zbulonim si lindi gjithë ideja.
Sa për “Something Just Like This”, është thjesht Chris Martin i Coldplay duke kënduar një një tekst frymëzues (në lidhje me atë person special që ju ndihmon të rriteni sa më njerzorë) mbi një produksion sipas The Chainsmokers.
Megjithatë, duhet të themi se kënga nuk na tërhoqi komplet pas vetes edhe pse melodia ishte e bukur. Ndoshta na duhet ta dëgjojmë edhe disa herë të tjera. Ju si mendoni?!
