Është bërë e njohur pas lidhjes me reperin nga Kosova, Ledri Vula. Megjithatë, duket se tashmë gjërat kanë ndryshuar për Adela Sollakun.
Bukuroshja, që rrëmbeu zemrën e një prej meshkujve më të lakmuar shqiptarë pas ndarjes nga Ledri ka rënë në heshtje, megjithatë, vajza e ish-prokurorit Theodhori Sollaku ka bërë disa ndryshime.
Thuhet se Adela kohëve të fundit i është përkushtuar punës së saj në Parlament. Ajo është juriste në një nga departamentet e këtij insitucioni, ndërsa sipas burimeve të “Xing.al” merret kryesisht me konvertimin e ligjeve ndërkombëtare dhe krahasimin e tyre me Shqipërinë.
Adela është larguar nga vëmendja e publikut, teksa i është përkushtuar më shumë vetes dhe udhëtimeve me miqtë e saj, të cilat për hir të së vërtetës, nuk i ka lenë pas dore edhe gjatë lidhjes me Ledrin.
