Donjeta nuk ka gjumë dhe në mendje i shkon një rreng për vajzat e tjera të shtëpisë. Ajo lan dyshemenë dhe më pas del për cigare në pritje që dikush prej vajzave të tjera, që ndodhen në dhomën e rrëfimit, të dalë dhe të rrëshqasë.
Sidrita kalon tek pjesa e lagur nga Donjeta, por nuk rrëshqet. Ajo e kuptoi rrengun e saj dhe i kthehet me ironi.
“Na e paskan larë këtu, na e paskan larë”, u thotë ajo vajzave të tjera.
“O sa mirë! S’paskan pas punë tjetër domethënë?”, i mban lojën Xheni, ndërsa Armela pyet nëse e kanë larë mirë apo jo.
“Aq ka aq bën, ku di njeri të bëjë punë o gocë”, u thotë Sidrita.
Në këtë moment Donjeta ndërhyn.
“E di ti ke kemi pastruese të shtëpisë? Ti e ke profesion”, i thotë ajo Sidritës.
Tre vajzat, Sidrita, Armela dhe Xheni qëndrojnë tek kendi i kuzhinës dhe për të acaruar akoma më shumë Donjetën puthen e përqafohen me njëra-tjetrën.
Donjeta u thotë se janë “kokëboshe”.
“Jeni shumë të bukura për të qenë të vërteta. Jeni të bukura, por pa asgjë aty brenda, tama si kukulla”, u thotë ajo.
