Këngëtarja britanike me prejardhje nga Kosova Rita Ora, ka filluar të përzihet ngapak edhe në politikë.
Mirëpo jo në mënyrën tradicionale duke u bërë pjesë integrale e politikës në Britani të Madhe por duke u angazhuar si qytetare aktive që të shpërndajë mesazhe të rëndësishme tek populli anglez.
Meqë zgjedhjet kombëtare në Britani të Madhe janë afër, ajo ka publikuar një mesazh në profilin e saj në Instagram.
“Përdoreni votën tuaj”, shkruan Rita Ora, duke inkurajuar ndjekësit e saj britanikë që të votojnë dhe të mos abstenojnë në zgjedhjet që pritet të mbahen në korrik.
Rita Ora në këtë rast nuk ka anuar nga asnjëra parti, as ajo laburiste e as ajo konzervative. I vetmi qëndrim që Rita ka shprehur karshi politikës, ishte gjatë vitit të kaluar kur haptazi kishte përkrahur kandidatin e Partisë Demokratike Bernie Sanders për President të Shteteve të Bashkuara.
