Robin Wright ka folur hapur se është shokuar në momentin që ka kuptuar se paguhet më pak se bashkëprotagonisti Kevin Spacey tek seriali ‘House of Cards’ .
Wright 51 vjeçe luan rolin e Zonjës së Parë të pamëshirshme të quajtur Claire Underwood, e cila është e përfshirë drejtpërsëdrejti në intrigat me presidentin e SHBA-ve Francis Underwood.
“Më thanë se kishim pagë të barabartë dhe e kam besuar një gjë të tillë, por kam kuptuar së fundmi se nuk është e vërtetë”, tha ajo për ‘The EDIT’.
“Kjo gjë mbetet për tu hetuar. Claire dhe Francis janë ekuivalentë sa i përket fuqisë së tyre, bashkimit dhe komplotit. Unë nuk kam aq tekst, skena apo fjalë sa Francis, por Claire nuk ka nevojë të flasë shumë’, shtoi ajo.