Këngëtarja e njohur, Rihanna ka refuzuar ftesën e organizatorëve që të këndojë në Festivalin e Filmit në Kanë.
Ajo nuk e shfrytëzoi mundësinë që të performonte para të gjithëve pasi dëshironte që ta prezantonte veten si aktore, jo si këngëtare.
Kështu, ajo u shfaq e veshur shumë thjeshtë me rroba sportive, ndërkohë që në fytyrën e saj ku mungonte grimi kishte vendosur syze.
Edhe pse organizatorët zgjodhën atë që të performojë në mes të të gjithë këngëtarëve dhe aktorëve të ftuar në këtë event gala, Rihanna zgjodhi që të ruante pozicionin e saj.
Bruno Mars ishte ai që e zëvendësoi, duke kënduar disa prej hiteve të tij më të njohura.