Modelja Miranda Kerr është martuar me themeluesin e rrjetit social Snapchat, Evan Spiegel.
Modelja dhe miliarderi kurorëzuan dashurinë e tyre fshehur në shtëpinë e tyre në Kaliforni, shkruan TheSun.
Në një ceremoni private të mbajtur të shtunën, Evan 26 vjeçar dhe Miranda 34 vjeçe vendosën t’i japin fund beqarisë.
Një burim i ‘People’ tha: “Për një dasëm të vogël, ka qenë një organizim i madh. Dasma dhe pritja ishin intime, por bujare dhe të stilit të lartë.”
Kurse, një burim tjetër tha për “E!”: Miranda u duk mbretërore dhe si një ‘princeshë natyrale’.
Sipas raportimve në ceremoninë martesore të çiftit morën pjesë 40 mysafirë
Miranda dhe Evan filluan takimet në 2014, ndërsa lidhjen e bënë publike në korrik 2016.
Miranda ishte më parë e martuar me Orlando Bloom, i cili është njëherësh babai i djalit të saj Flynn, kurse më 2016 pranoi propozimin e miliarderit Evan Spiegel.