Në foton e postuar së fundmi në Instagram, ai e bën të duket Ardit Gjebrean si një fëmijë dhe nuk do shumë mend për këtë, duke qenë se po flasim për një prej 7 personave më të gjatë në botë. Bëhet fjalë për Jerry Sokoloski-n, që është surpriza që Ardit Gjebrea ka përgatitur për publikun e “E diela shqiptare”. Ai është 2 metra e 23 centimetra dhe është personi me dorën më të madhe në botë, si dhe personi më i gjatë në të gjithë Kanadanë, siç ka bërë të ditur Gjebrea në postimin e tij. “Më bëri të ndihem elegant në periudhën më të shëndoshë timen.”-shkroi moderatori teksa shihet përkrah gjigandit Sokoloski. Por çfarë do të bëjë ai në spektaklin e së dielës, mbetet për t’u parë.
