Kënga “Look What You Made Me Do” e Taylor Swift mund ta rrëzojë nga froni hitin “Despacito” nga top-lista ‘Billboard Hot 100’.
Këngëtarja amerikane do vijë me albumin e ri “Reputation” në muajin nëntor, ndërsa ditë më parë e publikoi këngën e parë të këtij albumi.
Siç parashikojnë kritikët e muzikës, deri në fund të muajit shtator, Swift mund të jetë në krye të top-listës së Billboard.
Sipas parashikimeve, “Look What You Made Me Do” deri më 10 shtator mund të jetë shitur në gjysmë milioni kopje, duke e kaluar edhe “Hello” të Adele që është shitur në 480.000 milionë kopje për tri javë.
Taylor e publikoi zyrtarisht versionin audio të këngës së re më 25 gusht, ndërsa videoklipin e lansoi më 27 gusht.
Tash kur po e publikojmë lajmin, videoja është shikuar mbi 58 milionë herë dhe kjo shifër rritet vazhdimisht.
