Ditë më parë, ‘bodybuilderja’ shqiptare Geta Beqa u shpall sërish kampione në “Bikini Wellness”, garat e bodybuildingut, të mbajtura në Barcelonë.
Ajo arriti të triumfojë në mesin e 33 vajzave nga e gjithë bota, të cilat ishin në garë.
Geta tashmë është kthyer në Prishtinë, ku është duke vazhduar në mënyrë intensive stërvitjet në palestrën e saj.
E me të mbërritur në Prishtinë, njëra ndër këngëtaret më të njohura të skenës, njëherësh edhe kliente e rregullt e saj, Nora Istrefi, e ka pritur me tortë dhe verë, duke e uruar për titullin e ri.
Nora ka publikuar disa imazhe në rrjetet sociale, përmes ë cilave ka prezantuar momente nga festa e sotme e mikpritjes, e zhvilluar në palestrën sportive të kampiones Beqa.
“Kampionja ime, urime shoqe”, kanë qenë uratat e këngëtares, të cilat ia ka shprehur edhe në mbishkrimin e fotografive në Instagram.
