Ekipi për siguri i Kim Kardashian dhe Kanyer West kanë nxjerrë armët nga brezi dhe i janë vënë pas një personi që kishte vandalizuar tri veturat e tyre luksoze.
Hajni thuhet se ka thyer tri vetura të çiftit të njohur që ishin të parkuara para shtëpisë së tyre, para se të ikte nga skena.
Organet e sigurisë kanë bërë të ditur se rasti ka ndodhur sot.
Thuhet se personi i dyshuar nuk ka mund të hyjë brenda në shtëpi, por ka dëmtuar veturat e parkuara, ku ka vjedhur një iPhone.
Sipas burimeve, personi i dyshuar është vërejtur në pronë nga rojat e sigurisë dhe se ai kishte ikur nga vendi i ngjarjes.
Kjo nuk është hera e parë që Kim dhe Kanye janë cak i hajnave.
Vitin e kaluar, Kim ishte plaçkitur në një hotel në Paris, ku hajnat i kishin marrë bizhuteri në vlerë 8.5 milionë funta.
Pesë persona të maskuar kishin hyrë me forcë në dhomën e yllit të realitetit, derisa ajo ishte në gjumë.
Kim më vonë kishte thënë se ka frikë për jetën e saj.
Përfaqësuesit e Kim dhe Kanye nuk janë deklaruar për media lidhur me rastin.
