Tre vjet pa “doktor” Florin e WSF. Shikoni dedikimin prekës që i bën e shoqja

Mediale Vip

Tre vjet pa “doktor” Florin e WSF. Shikoni dedikimin prekës që i bën e shoqja

Më: 17 nëntor 2017 Në ora: 15:33
Dr Flori

Sot mbushen fiks tre vjet që nga momenti kur gjithë opinioni publik mori vesh lajmin e hidhur se këngëtari i njohur i West Side Family, Dr.Flori kishte ndëruar jetë.

Ai u nda nga jeta në moshën 35-vjeçare duke lënë gruan dhe dy fëmijët e tij, një djalë dhe një vajzë.

Ngjarja ndodhi rreth orës 06:00 të 17 nëntorit në shtëpinë e tij në Tiranë, në lulishten “1 Maji”, përballë “Ish-Ekspozitës”, kur bashkëshortja, Blerina, e kishte gjetur në gjendje të pakontrolluar dhe me vështirësi në frymëmarrje.

Më tej, ajo lajmëroi me telefon vëllain e “Doktor Florit”, Albanin, dhe të dy fillimisht e dërguan në ambulancë, ku iu injektua adrenalinë, shkruan INTV.

Gjatë transportit për në qendrën spitalore “Nënë Tereza”, ai ndërroi jetë dhe mbërriti i vdekur në spital, rreth orës 10:20.

Ndërkohë këtë mëngjes, bashkëshortja e tij, Blerina e kujton me këtë foto, ku Dr. Flori shfaqet me djalin e porsa ardhur në jetë dhe vajzën e madhe, Kaltrinën.

“Tre vjet pa babin”, shkruan Blerina, ndërsa komentet dhe ngushëllimet kanë qenë të shumta.

Image
Sot mund të lexoni Shfletoni kopertinat