Sot është dita e fundit e fushtatës zgjedhore për balotazhin e së dielës (19 nëntor).
Nuk është rastësi që shumë prej fytyrave publike tregojnë haptas se kë e mbështesin nga kandidatët e partive politike për kryetarë komunash.
Njësoj ka vepruar edhe reperi Mc Kresha i cili ka dalë publikisht në përkrahje të kandidates për kryetare të komunës së Mitrovicës nga radhët e PDK-së, Valdete Idrizi.
Kresha madje ka qenë pjesë e kampanjës zgjedhore të Valdetes, ku në njërin nga sloganet e PDK-së për Valdeten, Kresha shihet i veshur me bluzë në të cilën është portreti i Valdetes dhe ka pozuar pranë saj. Kujtojmë, që Valdete Idrizi është në balotazh me Agim Bahtirin nga radhët e AKR-së.
