Ndonëse jo aktive në muzikë tash e një kohë, për aq sa mbahet mend, Hana Cakuli njihet si këngëtare.
Por, puna e saj e parë, e që lidhet me dashurinë ndaj mikrofonit duket të ketë qenë tjetër.
Përmes rrjeteve sociale, këngëtarja e njohur ka treguar se puna e saj e parë para 15 viteve në adoleshencë ka qenë në radio.
Ulqinasja ka uruar 15 vjetorin e radios Elita në Ulqin përmes një postimi ku shpreh edhe historinë e saj personale.
‘Akoma s’mund të besojë që kanë kaluar 15 vite prej momentit kur nisa të punoj në Radio Elita në qytetin ku jam lindur, Ulqin. Këtu nisi dashuria ime e parë për mikrofonin që zgjati gjithmonë’ – është shprehur Hana.
Kujtojmë se këngëtarja është bërë nënë dhe po jeton në Gjermani.
