Moderatorja Luana Vjollca është në mesin e femrave më të komentuara të ekranit.
Ajo njihet për bukurinë dhe format bombastike trupore, madje në të shumtën e rasteve është në kryetitujt e medieve rozë.
Moderatorja aktualisht është e angazhuar në drejtimin e emisionit “Shiko kush luan”, për të cilin çdo javë para transmetimit bën edhe paralajmërimin e tij.
Por, fotografitë e fundit me të cilat njoftoi se çfarë do të përmbajë emisioni i së djeshmes (e shtunë), u përfolën shumë, kjo për shkak se Luana u ‘akuzua’ se ka kopjuar këngëtaren me famë botërore, Beyonce.
Përmes rrjeteve sociale, Luana ishte përgjigjur se “mendjet e mëdha veprojnë njësoj”, ndërsa edhe gjatë emisionit asaj i ra ndër mend të ‘ironizonte’ me çështjen e Beyonce duke postuar fotografi në të cilën kishte shkruar “Beyonce çka?”