Altuna Sejdiu ka publikuar një fotografi në rrjetet sociale, në të cilën shfaqet mjaft joshëse.
Këngëtarja ka pozuar para aparatit të fotografik Norik Uka dhe një prej imazheve e ka postuar në Instagram.
“Çfarë ndodh nën veshtull, mbetet nën veshtull!”, ka shkruar Tuna në përshkrimin e fotografisë.
Miti rreth veshtullës rrjedh nga keltët dhe skandinavët, të cilët kanë besuar se ekzistonte një mister rreth kësaj peme duke qenë se mbetej e gjelbër edhe gjatë dimrit, përkundër se i binin gjethet. Në Mesjetë besonin po ashtu se sillte fat.
Në përrallat nordike lidhet me romancën, dashurinë dhe puthjen.
Balder, djali i perëndeshës Frigga, ishte vrarë nga një shpirt i keq me një shigjetë nga druri i veshtullës. Frigga ishte aq e shqetësuar, saqë lotët e saj u shndërruan në manaferra të bardha duke e mbuluar pemën dhe duke simbolizuar dashurinë e saj për djalin.
Sipas përrallës, Frigga ishte lumturuar nga frutat e bardha, saqë e kishte bekuar pemën dhe kishte premtuar se do ta puthte këdo që kalonte nën të nga ajo ditë e tutje.
Në kohët e lashta kjo ishte bërë traditë, ashtu që vizitorët e puthnin dorën e një nikoqiri nën veshtull për ta nderuar legjendën nordike.
Ndërsa nga shekulli i XVII shumë evropianë dhe amerikanë e varin një degëz të veshtullës në derën e tyre gjatë sezonit të festave. Sipas zakonit, nëse kapeni duke qëndruar nën veshtull, mund të merrni një puthje.
