Tashmë është bërë traditë mbajtja e mini-maratonës humanitare "Bëhu Babadimër".
Edhe këtë vit, kjo mini-maratonë mbahet me moton “Vrapo Babadimër”, ku paratë e mbledhura do t’iu ndahen familjeve në nevojë për t’i gëzuar në prag të festave të fundvitit.
Që nga ora 13:00 ashtu siç ishte paralajmëruar, në sheshin ‘Zahir Pajaziti’ në Prishtinë ka filluar vrapimi për nderë të aktivitetit që organizohet nga OJQ Projekti 5 Cent.
Këtë vit, pjesë e mini-maratonës është edhe bashkëshortja e kryeministrit Ramush Haradinaj, Anita Haradinaj e cila bashkë me vullnetarët e tjerë ka vrapuar qendrës së Prishtinës.
Po ashtu, kësaj iniciative i është bashkuar edhe moderatorja e njohur shqiptare, Albana Osmani e cila njihet për organizime të tilla, siç ishte ai “Ti je një luledielli”.
