Ka disa ditë që çifti shumë i dashur për publikun shqiptar e njëkohësisht dhe shumë i komentuar në media e rrjete sociale, po shijon pushimet në Itali.
Gjatë këtyre ditëve, Xhensila Myrtezaj dhe Bes Kallaku kanë publikuar fotografi e video të ndryshme.
Dy videot e fundit të Besit tërhoqën shumë vëmendje, pasi në njërën aktori shfaqej duke i vjedhur aparatin disa turisteve dhe në videon tjetër ai rrëzohet në mes të qendrës tregtare.
Por mesa duket tani është radha e Xhensilës që t’ju bëjë të gjithëve të qeshni. Këngëtarja ka postuar 3 video në “Instastorie”, ku dëgjohet Besi duke kënduar i cili siç duket ndodhet në dush.
Aktori i humorit dëgjohet të këndojë këngën “Pranvera me një lule s’vjen” ndërsa këngëtarja shkruan se po pret që dikush nga hoteli të trokasë në derë.