Akori i njohur i Koresë së Jugut, Jo Min-Ki është gjetur mëngjesin e sotëm i pajetë në shtëpinë e tij në Seul.
Vetëm pak ditë më parë ai ka marrë 8 akuza për ngacmime seksuale ku femra të ndryshme pretendonin se ai ka shfrytëzuar postin dhe famën e tij për të përfituar favore seksuale.
Ai është i njohur për pjesëmarrjen në seriale të ndryshme televizive si edhe në filma aksion. Jo Min-Ki humbi jetën në moshën 52-vjeçare pak ditë para se të merrej në pyetje për akuzat e ngritura kundra tij.
Shkaqet e vdekjes së tij ende nuk janë zbardhur por nuk përjashtohet mundësia e vetëvrasjes.