Marina Vjollca e bashkëshorti i saj Getoar Selimi vihen gjithmonë në qendër të mediave rozë për jetën e tyre luksoze dhe faktin që janë të fiksuar pas veshjeve të shtrenjta.
Por me sa duket tashmë ata po shndërrohen edhe në një muzë frymëzimi për shumë artistë të rinj. Këtë na e ka vërtetuar edhe dhurata më e fundit që çifti ka marrë nga një piktor, i cili njihet në “Instagram” me emrin “KevinArtt”.
Siç mund ta vini re, është një punim artistik tepër i veçantë ku Getoari shfaqet duke tymosur një puro, dhe nga tymi i saj është pikturuar portreti i bashkëshortes së tij Marinës.
Pikturën e ka publikuar në rrjetin social “Instagram” Getoari, në shenjë falënderuese ndaj fansit të tij që e surprizoi. Ndërsa ndjekësit e tij nuk kanë nguruar të shprehin komplimentet e tyre ndaj çiftit dhe piktorit që realizoi punimin.
